حلو أختي

سميته حلو اختي لانه هي الي علمتني اياه وبنفس الوقت هو اول حلو سويته بحياتي سهل جدا يصلح حق البنات الصغار الي توهم يدخلون المطبخ الحلو : عباره عن بسكوت مشرب بحليب بارد وقيمر مخلوط مع المربي راح تسوين طبقات حوالي اربع طبقات مره بسكوت ومره مربي مع القيمر الي بالصوره طالع لونها بنفسجي بعدها راح تحطين عليه كاكاو فليك وتزينيه بصوص الكاكاو كثر ما الحلو سهل لكن جدا لذيذ وخفيف

مطابع النصار

بعد من المحلات المشاركه في وايت اكسبو تقدرون تتواصلون معاهم من خلال الارقام الموجوده بالصوره

Lapaidro

من المشاركين في معرض وايت اكسبو اقدر اقول انه محل خفيف دم والوانه تشرح القلب وماعندهم شي مستحيل يسوون الاستكانات مع المطاطير للشاي والقهوه بالالوان الي نبيها والصور الي تختارونها ويكتبون عليها الاسم اخليكم مع الصور هي الي راح تشرح لكم وصورت لكم الكرت عشان تتواصلون معاهم حتي بعد مايخلص المعرض

بيتنا

من المحلات المشاركه في معرض وايت اكسبو يغلب علي شغله الطابع التركي مثل اغلب المحلات بس عنده شغلات حلوه سجادات صلاه مع الاثواب طاولات تقديم صواني مفارش طاولات استكانات للتواصل معاهم رقمهم 97899909/ 99446448 ايميلهم ourhomekw@gmail.com

Downtoearth

من خلال زيارتي لليوم الاول للمعرض اكيد ما اقدر اصور كل المشاركين لكن اخترت المميز بالنسبه لي والاقل زحمه وdowntoearth عجبني وايد شغلها عندها لانش بكس للمدارس بطريقه حلوه واكياس لحفظ السندويشات ووجبات للاطفال تقدرون تتواصلون معاها عندها اشياء مميزه

Whitexpo

لايطوفكم المعرض صراحه كل سنه حريصه علي زيارته لانه متميز والي يشاركون فيه اكثر تميز بالاشياء الي موجوده والافكار الحلوه الغريبه نشوفكم هناك

Pieces by farah

مشروع فتاه كويتيه للاكسسوارت والاثاث المنزلي تقدرون تطلبون منها من خلال الموقع الخاص فيها وهو www.pieces by farah او الاتصال علي رقم 65001819 وعلي فكره راح يكون عندها معرض الاسبوع الجاي في 360 مول تابعوا الصور عشان تعرفون الموعد بالتوفيق فرح

Delitart

من المشاريع الحلوه الي يقومون فيها بنات كويتيات وهو عباره تارت صغار بنكات مختلفه وكل نوع احلي من الثاني امس قررت اطلب منهم قلت يمكن يكون شكل وطعمه عادي لكن طلع العكس طعم عجيب وشكل روعه اسعارهم مناسبه وعندهم توصيل العلبه فيها ٢٤ حبه انصحكم اذا بتجربونه اول مره طلبو علبه مشكله والعلبه عمليه بالاستخدام وشكلها حلو بالتوفيق لصاحبه المشروع

لحظه من فضلك

وايد عجبني ديكور محل لحظه من فضلك الي في الحمرا مول وطريقه العرض بعد وللعلم انهم سكروا فرع برج جاسم وراح يكتفون بثلاث افرع ( المهلب / الافنيوز / الحمرا مول )