The Hummingbird barkery

تم افتتاح فرعه في دبي بعد لندن في الاسبوع الماضي مكانه في دبي مول السرداب

اسكالوب الدجاج

من الاطباق الي تصلح للغدا والعشا ونقدر نتنوع في طريقه تقديمها ممكن اذا حق الغدا اقدمها
مع بطاط مقلي واذا عشا اسوي توست محمص وادهنه في بستو صوص وتحط جبنه سلايس وجرجير

الريش بالخلطه الخاصه

المقادير : نص كوب خل عنب / نص كوب بلسميك / 4 م ك ماسترد / 4 م ك صويا صوص / ٢ م ك كاجب / 2 م ط روز ماري فرش او ناشف / 2 م ط سكر اسمر /2 م وسط وسط بابريكا /2 م وسط بهارحلو / 2 م وسط فلفل اسود / 2 م وسط فلفل احمر حار / 2 م وسط كزبره باودر / من 20 الي 22 قطعه ريش . الطريقه : - خلط جميع مقادير الصلصه . - غسل اللحم جيدا بالماء . - يفرك اللحم بالملح قطعه قطعه جيدا ويترك ربع ساعه ويغسل بالماء . - يفرك كذلك بالطحين قطعه قطعه ويترك ربع ساعه ويغسل بالماء . - نتبل الريش بالخلطه ونضعه في بايركس حيث يكون طبقه وحده يغطيها الصلصه من كل الجوانب ويقلب بين فتره واخري . - نضعه في الثلاجه يفضل من بليل اذا كان للغدا. - يوضع بالفرن ويغطي بالقصدير ويجب اشعال الفرن فقط من تحت مع التقليب كل ربع ساعه . - نشيل القصدير بعد ثلث ساعه ويترك مكشوف ويشعل الفرن من فوق لمده عشر دقايق . كل الشكر لصاحبه الوصفه رشا الفارس

تراميسو مطوره

المقادير : علبه جبن فيلاديفيا - نص علبه قيمر -نص علبه كريمه - 2كيس بودره كريم كراميل - 2 ملعقه كبيره كاكاو بودره - كيس بسكويت الاصابع الخاص لعمل التراميسو - قليل من الماء لبارد مخلوط مع نسكافيه              
     
الطريقه : * نغمس البسكويت بالقهوه لعمل الطبقه الاولي             
            *بالخلاط نخلط الجبن والقيمر والكريمه وبودره الكريم  كراميل ونصب نصها علي البسكوت                                            *نضيف للخليط الكاكاو البودره ونسوي بعد طبقه بسكوت مشرب بالقهوه ونحط عليه خلطه الكاكاو وهي الطبقه الاخيره ونزينه بكاكاو البودره

Butterflybakery&cafe

ماقدرت اقاوم انه يكون في محل يحمل نفس الاسم الاول لمدونتي ومااحطه عندي مكانهم بالسالميه شارع سالم المبارك بجانب مجمع شاهه تلفونهم 50060020

حلو الجوكلت بنكهه التوت والكرز

ممكن استعمال ماعون كبير او مواعين صغار مثل ما انا سويت اول شي طبقه كيك كاكاو سرالي واذوب ملعقه من بودره الكاكاو بنكهه الكرز مع ماي واصب عليه شويه مو وايد بعدها اقطع التوت انصاف واصفه مثل ماهو واضح بالصور واخلط نص علبه نوتيلا مع نص علبه قيمر وهذي تكون الطبقه الاخيره وازينه بشويه بعد من بودره الكاكاو بالكرز وبالعافيه

The cheesecake factory

افتتح اول فرع له خارج الولايات المتحده في دبي مول بالدور الارضي مقابل الاكواريوم طبعا الزحمه عليه موطبيعيه لدرجه انهم يعطونك بيجر تخليه معاك وتفتر بالمجمع علي مايجي دورك وتحصل طاوله شوفوا صور الاطباق الي قدرنا نصورهم

مطعم زاروب

مطعم زاروب يقع في دبي شارع زايد برج الجميره صراحه انا مازرته بس كل شخص اعرفه يروح دبي وياكل بالمطعم يقولون اكله خيال ويفضل تناول وجبه الريوق فيه انا عجبني ديكوره وانتوا لكم الحكم

محل 4

هذا المحل ذكرني بفيلا مودا القديم الي كان علي البحر متنوع وشامل اكسسوارت وملابس نسائي ورجالي واحذيه مكانه بشويخ بزاويه انطوان كرم للشراشف مقابل مطعم لوكنده